أسباب ضعف سحب السيارة و طريقة حلها بالتفصيل, شرح مبسط

    هنتكلم النهاردة عن أسباب ضعف السحب ايه الللي يخلى العربية بطة لا مؤاخذة 😜... هى العربية الأول بتشتغل ازاى ببساطة كدة ؟
    شوية هوا على شوية بنزين فى أسطوانة الموتور و هو المقصود بية ال " Cylinder " .. و شرارة من البوجيهات و الموتور يشتغل ينقل الحركة للفتيس .. الفتيس ينقل الحركة للعجل  ... عشان كدة اسمة ( ناقل حركة ) شوفت بسيطة ازاى مش محتاجة 😃
    ● خلينا نمسكها واحدة واحدة كدة و من الصغير للكبير ..

    1 - الهواء .. 

    فلتر الهوا طبعا مؤثر جدا لو مسدود او مش نضيف بيأثر على العربية جدا و دة عن تجربة 😃
    جرب تنضف فلتر الهوا بتاعك لو لسة جديد هتلاقى السحب اختلف و ياريت كل 20 الف تغيرة .. و تجيب واحد جديد ...
    بوابة الثروتل ... او بوابة الهوا
    لو مش نضيفة عتلاقى الموتور ميت مش ضعيف بس .. فكها كل فترة كدة و نضفها ..

    __________ 😀😀😀_________

    2 - البنزين ... 

    شوف يا سيدى دورة البنزين لو مش نضيف فيها شوايب يعنى هتقلل من سحب العربية
    حط من بنزين نضيفة بقى 😃
    ● غير فلتر البنزين كل 25 الف كيلو
    ● كل 3 شهور ابقى حط مرة اوكتان عشان تخش تنضف دورة البنزين و تخش على الرشاشات تنضفها و لو عربيتك بتاخد 92 حطلها برضة 95 كل 3 شهور مرة مع الاوكتان هتعمل معاك شغل فاجر و ربنا 😃
    _________😀😀😀__________

    3 - البوجيهات و أسلاكها ... 

    البوجيهات مهمة جدا و الناس لما بتيجى تغير البوجيهات مش بتغير السلوك ..
    ● و لازم كل 25 الف كيلو تغير طقم بوجيهات ..
    لان مع الوقت بتكون طبقة كاربون كبيرة عليها و شرارتها بتضعف و بالتالى السحب بيقل و كمان ممكن العربية متدورش معاك من اول مرة عشان البوجيهات ضعفت خلاص ...
    _________😀😀😀_________

    4 - الفتيس ... 

    الفتيس طبعا مهم جدا فى نقطة السحب ..
    لو الاسطوانة و الديسك متاكلين و بيجيبو اخرهم بيخلى سحب العربية يقل و كمان يخلى العربية تسخن فوق العادى و كمان هتحتاج تعزم ليها جامد لان الاسطوانة بتكون فضيت و بالتالى هتاكل بنزين زيادة
    ________😀😀😀_________

    5 - الكاوتش ... 

    الكاوتش علية عامل كبير جدا ..
    لو الطبقة مشققة او متاكلة او عديت ال 35 - 40 الف كيلو بالكاوتش اللى معاك يبقى ياريت تغيرة احسن ... لانة بيبقى كمان عرضة انة ينفجر او يفتل معاك فى اى لحظة و كمان هياكل بنزين و يقلل السحب ..
    ________ 😀😀😀 _______

    6 - حساس الشكمان .. 😃

    او اللى اسمة حساس الاكسجين دة لو بايظ او بيودع الحياة خليط الهوا و البنزين مش هيبقى بالنسبة المظبوطة و يقلل السحب ..
    ________😀😀😀_______

    7 - الرشاشات

    ازاى ؟ لو فى رشاش تعبان .. هيعمل حاجة من الاثنين هيرمى بنزين زيادة عشان يولع مع الهوا و يتم الاحتراق و بالتالى العربية تاكل بنزين
    او هيرمى بنزين اقل من المطلوب يقوم يسبب ضعف فى السحب 😃 طب و الحل ؟
    انك تعمل اختبار رشاشات كل 50 الف كيلو و دة بيبقى عن طريق جهاز بيختبر قوة الرشاشات
    و بينضفها و هتلاقية فى اى مركز صيانة نضيف ..
    ________ 😀😀😀______
    دى الاسباب اللى تخلى العربية يكون سحبها ضعيف معاك ...
    و كدة خلصنا 😃 .... منقول بالكامل من صفحة "وش سلندر" .
    شارك المقال
    Tamer Mobarak
    تامر مبارك| طبيب بشري، عندي موقع طبي، وهذا الموقع، أهوى التدوين منذ 2010، ومحرر في موقعأخبار الخليج .

    مقالات متعلقة

    إرسال تعليق