أخبار السعودية

[أخبار-السعودية][btop]

أخبار الإمارات

[أخبار-الإمارات][grids]

أخبار الكويت

[أخبار-الكويت][btop]

أخبار قطر

[أخبار-قطر][btop]

لماذا يعشق المغتربون الإمارات أكثر من بلدانهم, و ينتظرون عيدها الوطني للإحتفال

مصري مغترب في الإمارات يُدعى "وليد طه" كتب هذا المنشور على صفحته الخاصة :
مفيش مغترب عايش في الإمارات ما بيستناش يوم عيد الاتحاد (العيد الوطني للإمارات 2 ديسمبر) وبيفرح فيه زيه زي آي مواطن إماراتي...السبب في في إن كله بيستناه إن البلد دي خليتنا نحبها فعلاً من غير أي نفاق لأسباب كتير قوي، الأسباب دي أثرت فينا من أول يوم دخلنا البلد وإتعاملنا مع مؤسساتها.
أولا كده الإمارات "أقل الدول العربية فساداً"، واخدة 70 نقطة من 100 على ”مؤشر الفساد العالمي".( مصدر)
الموضوع مش كده بس، فيه أمن وأمان بجد، مش إدعاءات وجهود مالهاش لزمة، يعني أقل حاجة إنك بتسيب عربيتك مفتوحة ومركونة في الشارع ومحدش بيقرب حاجتك بتنساها في محلات بترج بتلاقيها مكانها، بتمشي في الشارع في أي وقت من غير ما تبقى قلقان، البنات هنا والستات لو عايزة تخرج في أي وقت بتخرج وهي مش خايفة من أي حاجة.

والشرطة بقى موضوعها كبير، بجد تمثيل حي لكل الجُمَل اللي بنسمعها بقالنا سنين زي "الشرطة في خدمة الشعب" و"الشعب والشرطة في خدمة الوطن" وكل الكلام اللي بنقوله ده، مستحيل على حسب خبرتي في البلد إنك تطلب من شرطي خدمة ومايعملهاش، أو إنك تطلب مساعدة من الشركة في أي وقت ومايبقوش عندك "وقتي"، وياما مواقف كتير لناس هنا في الإمارات (أكيد هيعلقوا ع البوست) طلبوا مساعدة الشرطة وفعلا الشرطة وقفت جنبهم وساعدتهم ولو حتى كانوا في الصحرا.

ده غير إنك ممكن تكون ماشي في مول وتشوف الشيخ محمد بن راشد أل مكتوم (حاكم دبي) في المول معاك من غير حرس، أو بيتعشى جنبك في نفس المطعم، أو سايق عربيته بنفسه جنبك.

كله عارف حادثة السنة وحريق أوتيل The Address التعامل كان عظيم فعلا ومرتب، والناس اللي عايشين في دبي عارفين المنطقة بتبقى زحمة إزاي .. وفيها مباني كتير قريبة من بغض قد إيه!!
https://www.facebook.com/WTahaM/posts/1691052061177291

تقريبا مفيش مؤسسة في البلد ما بتتعاملش بنفس طريقة الشرطة كده، مساعدة بجد وموظفين جايين يعملولك خدمتك من غير كسل ولا تعالي، إحترام وأخلاق مش موجود في أماكن كتير في العالم وموجود هنا في الإمارات.

هنا في الإمارات، إنت عايش في بلد ذكية بجد (تقنياً يعني) تقريبا دلوقتي مفيش حاجة إلا وليها موقع أو أبليكشن تقدر تخلص من عليه مصلحتك، أي حاجة تتخيلها بقى، من رخصة لمخالفات لعربية للإقامة، حاجات كتير جدا تقدر تعملها وإنت في مكانك.

صديقي عمرو رشاد كان كاتب بوست عن الموضوع ده بيقول فيه "أول امبارح قدمت على فيزا لبابا و ماما أونلاين من غير ما أقابل أي موظف، النهاردة استلمت ايميل بالفيزا. من كام يوم دفعت مصاريف مدرسة يحيى بأبليكيشن من على الموبايل. النهاردة جددت عقد الشقة و هيجيلي على الأيميل كمان يومين. أبليكيشن شرطة دبي بتظهر بطاقتي و رخصتي و ترخيص العربية عشان أوريهم للشرطة من على الموبايل، تضغط على البطاقة يجيلك ضهرها. كمية مشاوير رهيبة و وقت ضايع و هلك بنزين و مجهود بتفاداهم يوميا بالضغط على شوية زراير على الموبايل".

الإمارات، بتفكر لقدام من ساعة ما جيت هنا وعلى طول فيه خطوات سباقة في أي مجال، حتى في موضوع الطاقة المستدامة والطاقة عموما، والبنية التحتية، وخصصوا 300 بليون درهم إماراتي للموضوع ده اللي خططله 10 وزراء لمدة سنة، طلعوا بعدها 100 مبادرة في القطاعات الصحية والتعليمية والطاقة والنقل والفضاء والمياه والتكنولوجيا.
http://www.alhayat.com/articles/12389746/
وبيخططوا في 2030 إن 25% من مواصلاتهم تكون كهربية وبدون سائق.

موقع "جلوبال فينانس" مصنف الإمارات سابع أغني بلد في العالم
https://goo.gl/fBvuDb

الشيخ محمد بن راشد آل مكتوم حاكم دبي، أعلن من حوالى سنتين عن "مؤشر السعادة" اللي عايز يقيس بيه رضا الناس عن الخدمات اللي بتتقدملهم في مؤسسات الدولة.
http://goo.gl/9AASof

أخر حاجة، فيه هنا قانون ونظام وناس بيحترموه، مش هقول إنها المدينة الفاضلة وأكيد فيه ناس بيخالفوا قوانين ومش أسوياء، بس حكامها ومؤسساتها بيعملوا كل اللي عليهم علشان تبقى قد الدنيا بجد من غير شعارات ولا خطابات حماسية عاطفية، كله شايف شغله.

عاش إتحاد الإمارات، وربنا يحفظها.. ويحفظ اللي عايش على أرضها.
‫#‏دبي‬ ‪#‎MyDubai‬

ياريت الناس اللي عايشين هنا يحكوا مواقفهم في تعليق.

ليست هناك تعليقات: