أخبار السعودية

[أخبار-السعودية][btop]

أخبار الإمارات

[أخبار-الإمارات][grids]

أخبار الكويت

[أخبار-الكويت][btop]

أخبار قطر

[أخبار-قطر][btop]

الحقيقة الكاملة وراء حرائق إسرائيل و كيف استفادت منها و هل هي مُدبّرة ؟

كتبه: أحمد محسن  ... عدد 220 حريق ضخم منهم 189 على الطرق السريعة خاصة بين مدينة القدس وتل ابيب .. ونشوب حرايق متعددة في عدد من المدن والمستوطنات .. واللي عجز عن اخمادها جهاز الدفاع المدني والاطفاء الاسرائيلي برغم ضخامة الياته وقوة تنظيمه .. ورئيس الوزراء بنيامين نتنياهو طلب المساعدة العاجلة واستنجد بأكثر من دولة زي ( ايطاليا – اليونان – كرواتيا - قبرص ) وفيه اخبار عربية بتقول انه طلب من تركيا برضه .. لكن المؤكد ان وروسيا عرضت المساعدة بارسال فخر طائرات الاطفاء البرمائية العملاقة ( بيريف - 200 ) ..
*
صور الحرائق :
http://bit.ly/2fribu2
مراجع للتسلسل :
http://bit.ly/2fr8rjy
http://bit.ly/2frhkd0
http://bit.ly/2fri7dW
*
ايه اللي حصل .. وايه السبب في الحرايق دي كلها ؟
*
يوم الثلاثاء بالليل قامت حرايق متوسطة في غابات واحراش عدد من المستوطنات الاسرائيلية غرب مدينة القدس .. فاتدخلت على الفور فرق الاطفاء والدفاع المدني وعملوا خطة اخلاء محكمة للمناطق دي .. وبالفعل تم اخماد الحرائق .. لكن صباح يوم الاربعاء قامت حرائق تانية اضخم بكتير من اللي قبلها في كلا من مدينة ( زخرون يعكوف ، دوليف ، شفا عمرو، نهاريا ، لاخيش ، يركا ، رفيديم ، كاوبول ، نتاف ، هاردوف ، تيفن ، معلوت )

طب كده يعني متقروش الاسماء وانا اللي تاعب نفسي وجايبهلكم !!!..

*
مرجع للحرايق :
http://bit.ly/2frhJfi
*
التوصيف الاولي لاسباب الحرائق هو الجفاف الشديد للجو مع هبوب رياح شرقية شديدة وجافة ادت لانتقال الحرائق من غابة لغابة ومن بيت لبيت لدار لدار .. اما السبب الاولي لنشوب الحريق نفسه فغير معلوم .. لكن بيقولوا عمليا ممكن عقب سجارة او بابور جاز يقوم بالموضوع في حالة الطقس السيء ده .. المهم ان اتحرق اكثر من 30 بيت واتصاب اكتر من 20 شخص بالاختناق ونقلوهم للمستشفيات .. وتم تنفيذ خطة اخلاء كبيرة من البيوت والمدارس والمجمعات التجارية ..
*
مرجع للاضرار :
http://bit.ly/2fr9rnR
*
طيب ليه اسرائيل طلبت المساعدة ؟ .. وهل هي اضعف من انها تطفي حرايقها ؟
*
اسرائيل بتمتلك اسطول طيران اطفاء يعد هو الاضخم في الشرق الاوسط .. وده بسبب ازمة ( الحريق الاسرائيلي الكبير في سنة 2010 ) واللي اسمه ( حريق غابات جبل الكرمل ) .. وده حصل لما صبي قاصر عنده 14 سنة كان بيدخن شيشة جنب ( سجن الدامون ) قرب شاطي البحر المتوسط ، ورمى بواقي الجمر والكوالح في الغابة فمسكت فيها ..
*
خاف وقتها يبلغ فقامت حرائق ضخمة ظهرت في تصوير القمر الصناعي .. وساعدت نفس الرياح الجافة ساعتها من انتقال الحرايق بشراسة وادت لمقتل 44 شخص اغلبهم من حراس السجن .. واللي طفى الحريق ساعتها ( دولة الاردن الشقيقة ) .. فاسرائيل بعدها اتجهزت باساليب متطورة لمكافحة الحرايق بعد غضب الرأي العام الاسرائيلي لعدم الجاهزية ساعتها ..
*
مرجع الحريق الكبير :
http://bit.ly/2frdlgm
*
طيب ليه اسرائيل مش عارفة تطفي حرايقها دلوقتي برغم قوتها وتجهيزاتها ؟ .. بعد فوز ترامب المؤيد للتوسع الاستيطاني الاسرائيلي صدر قرار اسرائيلي بخطة لبناء 500 مستوطنة جديدة خلافا لسياسة اوباما للحد من الاستيطان .. القرار اتعارض علنيا من مسئولين كبار في الامم المتحدة والهدف هو منع التوسع على حقوق الاراضي الفلسطينية !! ..
*
قرار اسرائيل ببناء 500 مستوطنة :
http://bit.ly/2fretAD
مرجع قرار معارضة التوسع الاستيطاني من الامم المتحدة :
http://bit.ly/2frdxwo
*
وبعد ما نعرف ان نتنياهو نفسه في تصريحاته امبارح بيقول انه لايستبعد ابدا تعمد اشعال الحرائق بفعل فاعل .. وده بسبب انتشارها في اماكن متفرقة بدون سبب جوهري .. ولما نعرف برضه ان بناء المستوطنات هي حكر على رجال اعمال كبار ومستثمرين اسرائيليين .. فاي توقف هيخرب لهم بيوتهم ويوقفلهم المراكب السايرة ..
*
مرجع تصريح نتنياهو :
http://bit.ly/2fr5bVv
*
فمحتمل جدا يكون فيه فساد في اجهزة الاطفاء والدفاع المدني لاشعال اكتر للحرايق خصوصا وان الاخلاء البشري تم بالفعل .. فنتيجة الحرائق دي هتكون ايجابية جدا للتوسع حوالين الاماكن اللي تم احتراقها .. واللي سكانها هيتسارعوا على مستوطنات تانية اقرب بسبب احتمالية نشوب الحرايق في الغابات اللي جنبهم مرة تانية .. وطبعا بدخول دول العالم للمساعدة في الاطفاء ويكونوا شهود عيان عليه فده مبرر كبير لاسرائيل للتوسع الاستيطاني .. لانهم هيبقوا عايزين يبنوا اماكن عزل حرائق بين المستوطنات الجديدة والغابات ..
*
مرجع الاحتمال :
http://bit.ly/2frkuxq
*
رد الفعل العالمي اتنوع بين المتعاطف معاهم وفيه اللي شامت فيهم .. وده بسبب فرض غرامة على رفع الاذان في الداخل الاسرائيلي .. ومنهم اللي اعتبر الحرايق لعنة وغضب من ربنا عليهم .. زي الشيخ / مشاري راشد في تغريدة له على تويتر بيقول فيها ( كل التوفيق للحرائق ) .. ودلوقتي الهاشتاج الابرز على تويتر هو ( #اسراييل_تحترق ) ومعظم التويتات عليه هي شماتة وتشفي وشعور بالانتصار .. لكن اكتر حد يضحك هو عدد من البوستات من فئة معينة من المصريين كاتبين ( لا شماتة في حرايق اسرائيل ) اعظمهم التويتة دي : http://bit.ly/2gjXswX .. والبوست ده : http://bit.ly/2gjUd8K .. ورب الكعبة الصهاينة ما عملوها !!!
*
مرجع مشاري راشد والحرايق :
http://bit.ly/2frjmtu
مرجع تويتر تريند :
http://bit.ly/2frfNnr

*
أخيرا .. دائما وأبدا مفيش أي كارثة بتحصل لاسرائيل سواء طبيعية ولا بفعل فاعل الا وبيستفيد منها الصهاينة بعدين وبشكل موسع .. لكن خلينا نعترف ان الاستفادة الاكبر على طول الخط دايما ما بتكون على قفا العرب .
*
#اسرائيل_تحترق
*
الرجاء عند المشاركة الاشارة لكاتب المقال لحفظ الحقوق وما دون ذلك يعتبر سرقة .
Ahmed Mohsen

ليست هناك تعليقات: