أخبار السعودية

[أخبار-السعودية][btop]

أخبار الإمارات

[أخبار-الإمارات][grids]

أخبار الكويت

[أخبار-الكويت][btop]

أخبار قطر

[أخبار-قطر][btop]

ردود الأفعال العالمية و العربية على فوز دونالد ترامب برئاسة الولايات المتحدة

ما بعد صدمة فوز ترامب ..كتب : أحمد محسن
***
- ( العمل سيكون أصعب بالنسبة للاتحاد الاوربي ) .. تعقيب لرئيس البرلمان الاوربي ..
- ( بفوز ترامب العالم سيزداد جنونا ) .. تعقيب لوزير العدل الالماني ..
- ( انها لصدمى كبرى ) .. تعقيب وزيرة الدفاع الالمانية ..
- ( لدينا العديد من التساؤلات ) .. تعقيب وزير خارجية فرنسا ..
- ( سنواجه اوقاتا عصيبة ) .. تعقيب رئيس الكتلة البرلمانية الالمانية ..
- ( مبروك الرئاسة ) .. اتصال من كلا من ( رئيس روسيا - رئيس كوريا الشمالية - رئيس مصر – رئيس الامارت - امير الكويت ) ..
*
مرجع التصريحات :
http://bit.ly/2fDpOhF
http://bit.ly/2fDpCz5
*
صدمة فوز ترامب مش صدمة خوف ورعب من معارضيه لعنصريته .. لأ دي صدمة كمان لعدم توقع الفوز من مؤيديه .. وده بسبب كل المؤشرات الانتخابية واستطلاعات الرأي اللي كانت دايما بترجح فوز مضمون لهيلاري كلينتون حتى ولو بفارق بسيط ..
*
مرجع لكامل استطلاعات الرأي الامريكية ترجح فوز كلينتون :
http://bit.ly/2fDsADD
*
طب ايه اللي حصل وقلب الموازين ؟
*
خلونا الاول نتعرف باختصار على ( دونالد ترامب ) الرئيس الـ 45 للولايات المتحدة الامريكية ..

*
دونالد ترامب 70 سنة .. احد اباطرة الاعمال في امريكا وخاصة في مجال العقارات والترفيه .. نجاحه مش وليد صدفة .. لانه اتعرض خلال مسيرته العملية لثلاث اخفاقات في ظل كذا ازمة سنة 89 – 92 – 94 – 95 – 2004 .. قدر يطلع منها اقوى ما يكون بعد ما كان على وشك اشهار افلاسه ..
*
وهو بالمناسبة وجه معروف ومشهور جدا للامريكان .. لانه رجل ترفيه في المقام الاول .. فهو مقدم لبرنامج شهير في فترة التسعينات ولمدة 12 سنة .. وله نجمه على ممر الشهرة في هوليود زي اكبر فنانيها .. ويملك مؤسسة ( ملكة جمال الكون ) اللي بيتابعها مئات الملايين كل سنة ..
*
ده غير امتلاكه لمجموعة عالمية من الفنادق والكازينوهات .. ومشاركته في الاتحاد العالمي للمصارعة .. وشهرته في رياضة الجولف .. خلافا لانه ألف كتب كتير في التنمية البشرية والاعمال .. ومعروف عنه انه شخص هزلي ومبيخدش المواضيع باهتمام زيادة او بجدية مفرطة الا للشو الاعلامي .. ومعروف بانه كان من اشد المعارضين للحرب على العراق .. في حين تصويت هيلاري كلينتون بالموافقة عليها وتأييدها !!! ..
*
مرجع لسيرته الذاتية :
http://bit.ly/2fDo6g3
*
طب ايه ؟ .. ما الراجل حلو اهو .. امال ايه الدوشة الكبيرة اللي عليه دي ؟
*
اجابة على سؤال ايه اللي قلب الموازين الاول .. خلينا نعرف ان اللي خلى ترامب يفوز هي الطريقة العقيمة للانتخابات الامريكية .. وهي ان عدد المصوتين مش هو اللي بينتخب الرئيس .. الشعب بينتخب 538 شخص اسمهم ( المجمع الانتخابي ) هم دول اللي بينتخبوا مين هيبقى الرئيس ! .. فبالرغم ان كلينتون حصلت على فوق الـ 59 مليون صوت .. و ترامب 58 مليون صوت .. لكن المجمع الانتخابي كان 276 صوت لترامب و 218 صوت لكلينتون .. وهي نفس الطريقة اللي خلت ( جورج بوش الابن ) يفوز على منافسه ( ال جور ) برغم ان التاني كان سابقه في اصوات الامريكيين ..
*
مرجع المجمع الانتخابي :
http://bit.ly/2fDr8Bf
مرجع انتخابات جورج بوش الابن :
http://bit.ly/2fDtGiz
*
خلينا ناخد بصة سريعة على تصريحات ترامب .. واللي هنعرف منها الواقع اللي جاي شكله ايه ..
*
تصريحه بان يجب تتبع المسلمين في امريكا ومراقبتهم كمبادرة لمكافة الارهاب ..
*
وجوب فرض رقابة على المساجد بالولايات المتحدة ..
*
تصريحه بان الكراهية بتييجي من الشعوب اللي بتؤمن بمسمى ( الجهاد ) .. فهؤلاء غير مرحب بهم في امريكا .. وعمل جدل كبير خلى الازهر يصدر بيان استنكار .. ده غير بيانات دول عربية واسلامية كتير ..
*
اعلان الحرب الشاملة على كل التنظيمات المتطرفة ( اينما كانت ) ..
*
مقترح ترحيل جماعي لعدد 11 مليون مهاجر غير شرعي في امريكا ..
*
معارضة لجوء العرب وخصوصا السوريين لامريكا .. بسبب الشك في كونهم ارهابيين ..
*
تصريحه بجعل دول الخليج العربي تدفع ثمن الحماية لها من امريكا ..
*
مقترح بناء سور بطول الحدود الامريكية المكسيكية لمنع الهجرة الغير شرعية من المكسيكيين .. ومعاهم السوريين اللي بييجوا عن طريقها ..
*
النظر في تعديل قانون حق المواطنة ( منح الجنسية ) للمولود بامريكا !..
*
ارغام كبرى الشركات الامريكية بالانتاج داخل امريكا فقط بدلا من انتاجها خارجها مثل الصين .. واولهم شركة ( ابل ) ..
*
تصريحه بان الامريكيين السود يقتلون البيض بمعدلات عالية جدا ..
*
عدم فرض رقابة على حمل السلاح بين الاميريكيين !! ..
*
السخرية من المعاقين بحركات بهلوانية ..
*
التوافق الكامل مع رؤية كلا من ( بوتين – حاكم كوريا الشمالية – السيسي ) .. وان العالم كان افضل في وجود ( القذافي – صدام حسين ) بسبب مكافحتهم للتطرف الاسلامي ..
*
مراجع للتصريحات :
http://bit.ly/2fDwigD
http://bit.ly/2fDxdgY
*
طيب .. هل ترامب هيشعل الحرب العالمية الثالثة ؟
*
باتفاق ترامب الكامل مع رؤى كلا من ( حاكم روسيا – حاكم كوريا الجنوبية – الاستكانة مع ايران والصين ) فنقدر نقول ان الخطر بعيد .. فكل تصريحات ترامب كانت ولازالت خطورتها بالكامل على الولايات المتحدة وحلفائها القدامى .. سواء في التوافقات المشتركة في ( السياسة – الاقتصاد – ملفات الهجرة .. الخ ) او الخفايا المخابراتية .. وبرغم تصريحاته وعنصريتها الشديدة جدا تجاه فئات كتيرة اهمهم ( المسلمين – العرب – المهاجرين – المكسيكيين – اصحاب الشركات عابرة القارات ) .. لكن الضرر القريب هيكون على ساكني الولايات المتحدة نفسها سياسيا واقتصاديا واجتماعيا .. ومعاهم الاسواق العالمية المربوطة بالدولار ..
*
مرجع :
http://bit.ly/2fDvFna
http://bit.ly/2fDz5q7
*
اما بتوسيع الرؤية شويتين .. هنلاقي ان ترامب هو الوجه الاخر لكل القادة ( الشعبويين ) في التاريخ .. ودول اللي بيلهبوا حماس الجماهير بتصريحات عنصرية شديدة .. والترويج لفكرة واحدة .. وهي انهم يستحقوا يكونوا افضل من غيرهم .. لانه ببساطة شايف نفسه وشايفهم معاه جنس تاني فوق كل البشر .. وده بيخلي كتير من المعاتيه يروحوا ينتخبوا امثاله ويأيدوهم ..
*
طبعا خطابات ترامب دي قريبة جدا من خطابات ( هتلر – موسوليني – ستالين .. الخ ) .. ومعظم الخطابات الشعبوية بتنتهي على كوراث اقتصادية .. وعليه .. بتخلي القائد من دول يطمع في احتلال دول تانية لنهب مواردها .. فما بالكم بواحد شايل شنطة فيها ازرار اطلاق الصورايخ النووية من قواعد امريكا العسكرية في غالب دول العالم .. واللي اسمها ( الحقيبة النووية ) .. وهو ده نفسه اللي خلى معظم فنانين هولويود وغالب مثقفين امريكا يعملوا حملات ترويجية كبيرة لعدم التصويت لترامب .. لكن امر الله نفذ .. ودلوقتي الامريكان عاملين هاشتاج هو التريند على تويتر وفيسبوك دلوقتي اسمه ( ليس رئيسي ) .. وانا شايف والله ان الافضل ينزلوا الشارع ويدوقوا مرار العرب والمسلمين !!
*
مرجع حملات النجوم ضد ترامب :
http://f24.my/2fDxv7H
مرجع الحقيبة النووية :
http://bit.ly/2fDBi4J
*
أخيرا وعشان نطمن .. السياسة الامريكية على مستوى الـ 45 رئيس متغيرتش الا في شكل الرئيس وكلامه .. سواء حلو وبيبتسم .. ولا وحش وبيكشر .. اما الحقيقة الكاملة هي انه مجرد ( ترس ) في منظومة ميكانيكية قوية .. المنظومة دي عرفت تصنع اقوى واغنى واثبت دولة في العالم .. وكتير جدا من الرؤساء السابقين واخرهم اوباما ؛ كانوا عايزين ينفذوا قرارات او يعارضوا قرارات تانية ومقدروش .. لأنها من الاخر ( ماما أمريكا ) .

ليست هناك تعليقات: