أخبار السعودية

[أخبار-السعودية][btop]

أخبار الإمارات

[أخبار-الإمارات][grids]

أخبار الكويت

[أخبار-الكويت][btop]

أخبار قطر

[أخبار-قطر][btop]

10 أسباب علمية تجعلك تمتنع عن شرب الكولا و البيبسي نهائياً

١٠ حاجات تخليك متشربش بيبسي او كوكاكولا غير التسوس و زيادة الوزن و الحجات الي كل الناس عارفاها :-

١ - في كل كان بيبسي او كوكاكولا في ١٠ معالق سكر ، و المفروض البني ادم الطبيعي ياخد ٦ معالق يوميا ، فمجرد انك اخدت كان واحدة انت عديت الحد الاقصي من السكر بتاعك اليومي ، عشان كده في تقارير بتوضح ان البني ادم الي بيشرب من ١ ل ٢ كان بيبسي يوميا عنده احتمالية الاصابة بمرض السكر النوع الثاني اكثر من الشخص الطبيعي بنسبة ٢٦٪ .

٢ - لو انت بتشرب Can بيبسي فغالبا ما بتفتح و بتشرب علي طول و لو انت شاريها من اي مكان في مصر الا مكانين تلاتة هتلاقي كمية وساخة علي مكان الشرب رهيبة و حتي لو انت مش شايفها في جراثيم كتير جدا بتتنقل ليك انت في غني عنها.

٣ - كمية السكر الي بتخش كبيرة جدا الطبيعي ان انت ترجعها اول ما تشربها ، لكن هما حاطين فوسفويك اسيد عشان يعادل السكر فمنرجعش المشروب و يفضل جوه في بطنك . انت متخيل ؟ انت متخيل ان هما حاطين حاجة لازمتها انك مترجعش الي انت بتشربه .

٤ - بعد ٢٠ دقيقة من انتهائك من المشروب ، بيحصل ارتفاع في الانسولين Insulin Spike و الكبد بتحول كل السكر ده ل " دهون " فورا .

٥ - خلال ٤٠ دقيقة بيكون وصل الزبون التاني " الكافيين " من الكولا مسببا ارتفاع في ضغط الدم ، و مستقبلات الادينوسين في المخ بتتقفل ، فانت فجأة مش بتحس بالتعب .

٦ - بعد ٥ دقايق يعني بعد ٤٥ دقيقة ، ال Dopamine الي في المخ " الدوبامين " بيبتدي يتفرز ، و ده هرمون مسؤول عن السعادة ، لما بيتفرز بيخليك تشعر بسعادة و يخليك عايز تشرب تاني ، و اوضح العلماء ان اسلوب المشروبات دي في افراز الدوبامين هو نفس اسلوب ال " هيروين "

٧ - بعد ساعة بتخرج الماية من جسمك و بتسيب الحاجات التانية تعمل اضرار اكبر و اكبر ، لان الاملاح و السكر و الكافيين و كل مكونات المشروبات دي زي حاجات كتير من الاغذية المصنعة هي غير طبيعية فطبعا سلسلة الامراض بتاعة الاغذية المصنعة تبتدي بعد ساعة تشق طريقها جوه جسمك .

٨ - طبعا الكلام ده مش للناس الي بتشرب مثلا الكلام ده مرة في المناسبات ، مع اني اري ان ولا حتي المناسبات .

٩ - مرة في الجامعة اخدت قرار عشان كنت في منتخب السباحة اني ابطل هذه المشروبات تماما ، و فعلا بطلتها لمدة عام تماما ، و بعدين مرة اخدت من واحد صاحبي بوق لاني كنت عطشان جدا " فورا دخلت الحمام و كان يوم منيل " و فضلت بطني واجعاني لغاية بليل فعرفت قد ايه الحاجات دي خطر لما تبطلها و تجربها تاني و مرة اخري من شهر بالضبط بفتح الثلاجة ملقيتش حاجة تتشرب غير ازازة بيبسي لتر و نص كانت هدية مع احد الوجبات من المطاعم ، فروحت شاربها ، صحيت تاني يوم عندي برد رهيب ، فتاكدت برده ان دي من اكتر الحاجات الي بتضعف المناعة جدا .

١٠ - فيا ريت بالذات للاطفال و لا تدوهالهم و لا تشربوها قدامهم و لا تعرفوهم ان في حاجة اسمها بيبسي و يا ريت المدارس كلها تمنع بيعها في الكانتين بدل ما هما مش فالحين غير ان هنا يغلوا المصاريف لانها فعلا يا جماعة خطر جدا علي الصحة ، و زي ما الدراسات موضحة هي بتتعامل مع الدوبامين الي في المخ نفس تعامل المخدرات فالطفل هيبقي عايزها تاني لا اراديا .

اعتقد الموضوع مش صعب ،متشربش مياة غازية تماما ، و لما تروح مطعم و تطلب كومبو قوله عايز ماية بدل البيبسي لانها قيمتها اكبر لجسمك و لصحتك مش هتبقي خسران صدقني هتبقي كسبان .

ليست هناك تعليقات: