أخبار السعودية

[أخبار-السعودية][btop]

أخبار الإمارات

[أخبار-الإمارات][grids]

أخبار الكويت

[أخبار-الكويت][btop]

أخبار قطر

[أخبار-قطر][btop]

تفاصيل خلاف تركيا وهولندا من الألف للياء في نقاط مختصرة

ما خفي كان " أعظم " هو الوصف الدقيق للي بيحصل بين تركيا وهولندا حاليا .. فخلينا نشوف حكاية عم " أعظم " ده مع بعض .. وقبل ما نحكم من منظور واحد ... كتب هذا المقال: أحمد محسن (المقال مدعّم بالمصادر لكل المعلومات التي وردت به)
*
النهارده ( تركيا ) بدأت تنفيذ حزمة قرارات عقابية ضد ( هولندا ) .. منها منع أي تواصل دبلوماسي بين البلدين .. ومنع أي وفد حكومي أو دبلوماسي هولندي يعتب الحدود التركية .. وطرحوا مشروع قانون على البرلمان بإلغاء ( اتفاقية الصداقة الهولندية - التركية ) .. ودي اتفاقية ضخمة ( سياسيا – اقتصاديا – عسكريا وأمنيا ) ..
يعني من الآخر اتخاصموا .. وحصلت بينهم القطيعة الكاملة ..
http://bit.ly/2mmrDmZ

*اللي حصل باختصار ان ( اردوغان ) مقدم على تعديل دستوري للاستفتاء الشعبي .. عايز يغير بيه نظام الحكم في تركيا من برلماني لرئاسي .. يعني الرئيس هيبقى له صلاحيات اوسع وأكبر .. عشان ( اردوغان ) صرح اكتر من مرة انه متكتف ضد الانقلابيين وأذيالهم ودولتهم العميقة ..
http://bbc.in/2mmhUgB



*طب مال ( هولندا ) بقى بالموضوع ؟ .. تعداد الجالية التركية في ( هولندا ) هو ثالث اكبر تجمع للاتراك خارج بلادهم .. وعددهم الكلي فوق الـ 500 الف تركي .. ده طبعا بعد المانيا وبريطانيا اللي بالملايين .. واللي بيشكلوا كلهم كتلة تصويتية قوية .. قادرة على تغيير نتيجة أي استفتاء .. والسياسي الشاطر لازم يعملهم اراجوز عشان يرضيهم ..
http://bit.ly/2mmsxQk

*وزير الخارجية التركي ( جاويش اوغلو ) - وده اكبر راس دبلوماسية بعد اردوغان - اعلن انه هيروح كذا دولة عشان يقول كلمتين للأتراك قدام سفاراتهم .. وأول بلد كانت ( المانيا ) .. والرد جه على استحياء انه متجيش أحسن .. لكنه راح برضه ..
http://bit.ly/2mmBAR6

*تاني بلد اختارها الوزير التركي هي ( هولندا ) . وردوا عليه انهم متخوفين من الناحية الامنية ويستحسن يتأجل قدومه .. فالوزير قال مبدهاش بقى .. ورد بتصريحات ضرب نار .. وهدد بفرض عقوبات على ( هولندا ) في حال منعه من دخول البلد ..
http://bit.ly/2mmDAsI

*رئيس الوزراء الهولندي سحب تصريح هبوط طائرة الوزير التركي .. وقال مبنشتغلش تحت التهديد .. والوزير التركي لف ورجع .. وراح حضر مؤتمر تاني لنفس الفاعلية في فرنسا ..
http://bit.ly/2mmutZ3

*اردوغان طلع في مؤتمر مذاع على الهوا .. وقال ان الهولنديين اصلا مبيفهموش في السياسة وانهم بقايا النازيين .. واحنا مش هنسكت وهنرد عليهم رد يطرش ودانهم ..
http://bit.ly/2mmnIXk

*وزيرة البيئة التركية كانت في المانيا .. فعملت من بنها العسل .. وركبت عربيتها وراحت بوفد دبلوماسي تحضر نفس التجمع اللي معرفش يحضره وزير الخارجية بذات نفسه ..
http://bit.ly/2mmF4mG

*رئيس الوزراء الهولندي اصدر تعليماته للداخلية بمنعها وترحيلها للحدود الالمانية .. ومش بس كده .. كمان امر بفض التجمهر التركي امام سفارتهم في هولندا بالقوة .. برغم ان معظمهم جنسيتهم هولندية .. وفيه صور انتشرت لضرب مبرح .. وعض كلاب بوليسي لكذا مواطن من الجالية التركية هناك ..
http://bit.ly/2mmFytl

*زيادة للطين بله اتعمل للوزيرة حظر من دخول هولندا لمدة ١٠ سنين .. وبسبب ان مفيش حراسة عالحدود بين دول اوربا فلو حصل ودخلت فهتتسجن ٦ شهور ..

*والادهى والاصعب ان فيه قانون يقره الاتحاد الاوربي بان أي دولة ضمن نظام ( شينغن ) لو عملت حظر لحد فانه يعمم على كافة الدول العاملة بالنظام !! .. يعني الوزيرة متدخلش معظم دول اوربا ..
http://bit.ly/2mmBol9

*اتقفلت سفارة هولندا في تركيا وكذلك القنصلية وتم الغاء التصريح للسفير الهولندي من العودة لتركيا .. وتم استدعاء القائم بالاعمال تلات مرات رايح جاي ياخد خطابات اعتراض لحد ما الراجل اتمشور ..
http://bit.ly/2mmwBQF

*كرد فعل من دول الاتحاد الاوربي .. ( الدنمارك ) قالت انها هتلغي اي تجمع تركي لنفس الموضوع .. و( السويد ) لغت التجمع بالفعل .. و( المانيا ) ردت ان وصف اردوغان للهولنديين بالنازية غير مقبول ..
http://bit.ly/2mmFLMO

*الاتحاد الاوربي دعى للتهدئة لكنه ادان اردوغان ودعم هولندا .. واكتر من صحيفة اوروبية دعمت موقف هولندا .. منها صحف سويسرية حطت صورة اردوغان وقالت ( لا تنتخبوا هذا الديكتاتور ) ..
*ده غير احزاب اليمين المتطرف اللي خدت الحكاية ذريعة لسب الاسلام والمسلمين عامة .. ودعت لفرض قرارات بمنعهم من دخول اوربا ..
http://f24.my/2mmBER9

*طب ايه بقى حكاية عمو أعظم اللي قلناها في اول الموضوع ؟

*الخلاف بين هولندا وتركيا قديم برغم الظاهر اللي لا يوحي بكده .. وموقف هولندا حقيقي غريب ومريب من كام سنة ضد تركيا .. والانفجار التركي مش من فراغ ..
فمثلا ..
*
هولندا والنمسا من اشد المعارضين لدخول تركيا الاتحاد الاوربي على مر الـ 25 سنة اللي فاتت .. كده من غير سبب ..
http://bit.ly/2mmAJ34
*
بتاريخ يناير 2015 سحبت هولندا أجهزة دفاع ارض جو " باتريوت " من تركيا كانت محطوطة لحمايتها من صواريخ داعش .. وسبب هولندا المعلن : ( بوررروم ) .
http://bit.ly/2mmAuoD
*
بعد محاولة الانقلاب الفاشل .. رئيس وزراء هولندا قال عن الجالية التركية .. ان احسن لهم ولهولندا انهم يرجعوا لبلدهم بعد ما عملوا تجمع داعم لاردوغان بعد الانقلاب ..
http://bit.ly/2mmyOLX
*
تم قبول ضباط أتراك انقلابيين كلاجئين في هولندا .. وتم رفض طلب تركيا بتسليمهم ..
http://bit.ly/2mmHZf6
*
رئيس وزراء هولندا طلع وخير المسلمين الهولنديين عموما .. بانهم ياما يندمجوا مع قيم المجتمع الهولندي واعرافه او يسيبوا البلد غير مأسوفا عليهم !
http://bit.ly/2mmI02G
*
والنكبة الكبرى .. تركيا هزمت هولندا في تصفيات اليورو 2016 .. بنتيجة ٣ : ٠ .. وطلعت هولندا بعدها من اليورو .. وخلت الشعب الهولندي كله يزعل من الاتراك ..
http://bit.ly/2mmAoNL
*
للي بيحبوا المقارنات .. مين أقوى هولندا ولا تركيا ؟
*
حسب صندوق النقد الدولي .. فتركيا في المرتبة الـ 16 بناتج اجمالي 1.7 ترليون دولار .. وهولندا في المرتبة الـ 28 بناتج اجمالي 900 مليار دولار ..
http://bit.ly/2mHXS2u
*
وللناس اللي بتحبها حريقة والعة .. فبقوة الجيوش .. تركيا مركزها الـ 8 في ترتيب اقوى جيوش العالم .. وهولندا مركزها الـ 39 .. ومبتقدرش تحارب لوحدها الا عن طريق الناتو ..
http://bit.ly/2mHr7Ta
*
أما كأهل وعزوة .. فخريطة تحالفات العالم بعد وصول ( ترامب ) بقت قمة في اللعبكة .. وكمان خروج بريطانيا من الاتحاد الاوربي .. فنقدر نقول ان بالرغم ان هولندا من الدول العنتيلة في الاتحاد الاوربي .. فتركيا برضه في الناتو ..
http://bit.ly/2mHrblJ
*
وعلى النقيض تركيا بقت بقدرة قادر حليفه قوية لروسيا حاليا وسبحان الله ولا محبة الا بعد عداوة .. وبالشقلوب الاتحاد الاوربي ميستغناش عن تركيا لانها خامس اكبر شريك اقتصادي معاه ..
http://bit.ly/2mHqwAK
*
للي في الكفة دي او في دي .. نطمنكم انتم الاتنين .. خناقة تركيا وهولندا هتنتهي بقعدة صلح حلوة .. واوردوغان عملها في احلك الظروف قبل كده .. اقربهم مع روسيا ..
*
اردوغان بيلعب سياسة واللي بيصنفوه كخليفة وإمام أعظم غلطانين .. لكنه بالموقف الاخير ده هيكسب قاعدة عريضة من الشعب التركي في الاستفتاء .. لدرجة ان ( كمال قليجدار ) رئيس اكبر حزب تركي " معارض " .. ادان بشدة موقف هولندا ووقف مع اردوغان ضدهم ..
http://bit.ly/2mHlAMc
*
ونفس ذات نفس الكلام في هولندا .. رئيس وزرائها ولو انه يميني وقومجي ومبيحبش الاجانب .. لكن عايز يكسب بونط قدام اليمين المتطرف بقيادة ( خيرت فيلدرز ) صاحب الفيديو الشهير ضد اردوغان والاتراك عموما ..
http://bit.ly/2mHuMjH
*
أخيرا .. ونظرة الى ميسرة .. العالم دلوقتي أصعب بكتير من اننا نحكم عليه بموقف لده أو لده .. كل واحد له اجنداته واهدافه .. واللي شايف مصالحه من خلالها وبس .. الدور والباقي عالشعوب اللي لما بيحصل فيها مذابح ولا مجاعات فقر ومرض .. ولا شعوب تانية بقت بتشحت زيينا كده .. محدش بيبص عليها ولا يقول انتم فين .. تركيا وهولندا دولتين خلوا دول العالم كله بيتكلموا عن مشكلتهم وزعلانين عليهم .. احنا بقى اللي مشاكلنا للسما .. ولا حد بيعبرنا .

ليست هناك تعليقات: