أخبار السعودية

[أخبار-السعودية][btop]

أخبار الإمارات

[أخبار-الإمارات][grids]

أخبار الكويت

[أخبار-الكويت][btop]

أخبار قطر

[أخبار-قطر][btop]

مستقبل المغتربين في السعودية خلال السنوات القادمة بعد تطبيق الرسوم الجديدة, حقائق صادمة

هذا المقال مكتوب باللهجة العامّية المصرية من مغترب مصري هنا في المملكة, يتحدث فيه عن مستقبل الوافدين في السعودية في السنوات الأربع القادمة تحديداً بعد بدء تطبيق نظام الرسوم الجديدة على المرافقين للمقيمين وهو القرار الذي لاقى صدىً واسعاً في البلاد العربية, وسبّب صدمة هائلة بالأخص للمغتربين وأهاليهم.

المملكة العربية السعودية دوله كبيرة وإخوة عرب وبالأخص ما بين مصر والسعودية من أخوّة ومحبة ولنا فيها الكثير والكثير من الأمور الطيبة, لكن السعودية لها الحق في فرض أي قوانين تصب في مصلحة اولاد وطنهم وهذا حق مكفول ليهم.

أولا : دلوقتى خلاص تم تفعيل فرض رسوم 100 ريال شهريا على كل تابع ومرافق ثم السنة الجاية هتبقى الرسوم 200 ريال شهريا على كل تابع ومرافق ثم السنة الى بعديها 300 ريال شهريا على كل تابع ومرافق بمعنى لو لو معاك ( زوجة وطفلين مثلا ) هتدفع فالسنة الاولى 3600 ريال ثم فالسنة التانية 7200 ريال ثم فالسنة الثالثة 10800 ريال دة كله غير رسوم التامين الطبى السنوية على الزوجة والاولاد اللى متوسطها 3000 ريال لزوجه وطفلين غير تذاكر الطيران غير مصاريف المعيشة والسكن .. الخ



القرار دة هيعمل إيه؟ : بالتدريج كل الناس الى مرتباتها ضعيفة او متوسطة هتبداء تنزل اسرها لانه مش هيقدر يدفع الرسوم دى كلها سنويا طيب دة هيعمل اية هيقلل نسبة الوافيدين فالمملكة بالتدريج وسيادتك مثلا شغال فى مستوصف هتجد بالتدريج نسبة المرضى عندك بتقل وبالتالى الكفيل هيضطر يقلل العمالة او يقلل المرتبات لان عدد المرضى هيبداء يقل وهكذا للمولات والمؤسسات والمدارس وكل القطاعات .. الخ

ثانيا : لو حبيت تنزل اسرتك اجازة لمصر كنت بتدفع رسوم تاشيرة خروج وعودة 200 ريال على كل فرد حتى لو هيقعدوا فمصر 6 او 9 شهور دلوقتى هتدفع 200 ريال عن اول شهرين + 100 ريال عن كل شهر اقامة بمصر بعد كدة يعنى لو معاك ( زوجة وطفلين مثلا ) هينزلوا مصر اجازة 6 شهور هتدفع على كل واحد 600 ريال يعنى هتدفعلهم كلهم 1800 ريال

ثالثا : لو حبيت تعمل زيارة ( زوجة وطفلين مثلا ) كان زمان بتعملها برسوم بسيطة جدا تعادل 500 جنية مصرى دلوقتى هتدفع على كل واحد 2000 ريال يعنى عليهم كلهم 6000 ريال اى ما يعادل 28000 جنية غير تذاكر الطيران

🔴 رابعا : من اول السنة الجاية هيتم فرض رسوم تصاعدية على العامل نفسه بمعدل 300 ريال شهريا فى 2018 ثم 500 ريال فى سنة 2019 ثم 700 ريال فى 2020 ودى الكفيل هو الى هيدفعها يعنى هيدفع سنة 2018 رسوم الاقامة 4600 ريال + 3600 ريال وفسنة 2019 رسوم اقامة 4600 ريال + 6000 ريال وفسنة 2020 رسوم اقامة + 8400 ريال
القرار دة هيعمل اية : هيخلى الكفيل يبداء يمشى الاجانب ويعين سعوديين لان انت اصبحت مكلف بالنسبة للكفيل بالاضافة ان الدولة بتفرض نسبة سعودة معينة والكفيل مجبر بتعينهم وهذا حق مكفول ليهم

خامسا : لو شخص بيفكر يجى #فيزا_حرة هيدفع فمصر تكلفة التاشيرة ما يعادل 10- 15 الف ريال ثم لما يجى هيدفع رسوم الاقامة 4600 ريال + 3600 دة غيرالتامين الطبى دة غير تذاكر الطيران يعنى محتاج ما يعادل 100 الف جنية عشان تعرف تيجى السعودية فيزا حرة

خامسا : فيه نيه لزيادة اسعار البنزين والميه والكهربا على المغتربين والسعودين كل اللي موجود

الملخص : ان الوضع فالسعودية لو مشى بالمنظر دة فخلال سنتين ثلاثة بالكتير هيصبح الوضع سيئ جدا على الجميع وخصوصا الاشخاص الى مرتباتهم ضعيفة او متوسطة وناس كتير هتنزل زوجاتهم واولادهم وهتوصل لمرحله ان الغربه جايه عليك بخساره لانك بتصرف كل راتبك والاقتصاد السعودى بصفة عامة هيتاثر فلازم تبقى مستعد لمثل هذة الظروف وكل دة بالتزامن بالوضع الاقتصادى السئ بمصر

خليك صاحب كلمة حق لو عندك بيت خاص بعيالك وعندك ضيوف
انت وقتها بتنظم المكان زي ما انت عوز نفس الوضع الحالي

لازم تفكر ان ترسم خطط جديدة لحياتك الجاية انت واسرتك
الزوجة لازم تفهم انها جزء اساسي من حياة الاسرة ولازم ترتب امورها الايام دي وتحافظ علي كل قرش وبلاش تحمل علي الزوج اعباء كتير وهما عارفينها
الناس اللي في مصر لازم تراعي ربنا في الشاب اللي نزل يخطب ويتجوز خلاص يا حاج مفيش دولار ولا ايفون ولا عربيات الدخل ماشي علي القد وراعي الشباب
لازم المسؤولين داخل مصر تبداء تفكر في حلول بديلة للمغتربين بفتح باب فرص عمل
بفتح قروض للمغترب بدون فايدة باعطاء ارض
مجاني باعفاء ضريبي خمس سنوات علي اي مشروع لازم الناس دي تصحي من النوم وتفهم ان اولاد مصر في الخارج
مهددين 

ليست هناك تعليقات: